2025 жылғы 16 қазанда Астана қаласында «ICert» Халықаралық сертификаттау орталығы Қазақстанда алғаш рет көппәтерлі тұрғын үйлерді басқарушыларға кәсіби сертификаттарды салтанатты түрде табыстау рәсімін өткізді

ICert — Қазақстанда көппәтерлі тұрғын үйлерді басқару саласында ГОСТ ISO/IEC 17024-2014 халықаралық стандартының талаптарына сәйкес Ұлттық аккредиттеу орталығынан ресми аккредиттелген алғашқы персоналды сертификаттау органы болып табылады. Аккредитация орталықтың қызметі халықаралық талаптарға толық сәйкес келетінін растайды және мамандардың құзыреттілігін бағалау рәсімдерінің ашықтығын, объективтілігін және тәуелсіздігін қамтамасыз етеді.

Сертификаттарды салтанатты түрде табыстау рәсімі ҚР Өнеркәсіп және құрылыс министрлігі, «ҚазЦентр ТКШ» АҚ, сондай-ақ сала ұйымдары мен тұрғын үй-коммуналдық шаруашылық саласының сарапшыларының қатысуымен өтті. 

Кездесуде ТКШ саласындағы басты мәселелер – цифрландыру және ОСИ, ПИК, көппәтерлі тұрғын үйлерді басқарушы компаниялардың басшылары мен қызметкерлерінің құзыреттерін растау талқыланды. Пікірталасқа министрліктер мен комитеттердің өкілдері, «Қазцентр ТКШ» кеңесшілері, сондай-ақ аймақтық бөлімшелер мен сала сарапшылары қатысты.

ICert – Қазақстанда алғашқы болып ТКШ саласы мамандарын тәуелсіз сертификаттау бойынша аккредиттеуден өтіп жатқан орталықтардың бірі. Біз қазір аккредиттеу жұмысының соңғы кезеңіндеміз, ал алғашқы емтихандарды қыркүйек айының екінші жартысынан бастап өткізуді жоспарлап отырмыз.

Сертификаттау – саланы кәсібилендіруге, тұрғындардың басқарушыларға деген сенімін арттыруға және ТКШ саласында жаңа сапа стандарттарын қалыптастыруға жасалған маңызды қадам.

Бүгін «ICert» Халықаралық сертификаттау орталығы Дүниежүзілік аккредиттеу күніне арналған Форумға қатысты!

Форум Қазақстан Республикасының Ұлттық аккредиттеу орталығының ұйымдастыруымен өтті және аккредиттеу органы мен сәйкестікті бағалау субъектілері арасында ашық диалогқа арналған маңызды алаңға айналды.

Іс-шараның басты мақсаты – шағын және орта бизнесті дамытудағы аккредиттеудің рөлін түсінуді нығайту, барлық мүдделі тараптар арасындағы өзара іс-қимылды тиімді ету, сондай-ақ сәйкестікті бағалау саласындағы өзекті мәселелер мен үрдістерді талқылау болды.